Դամասկոսում պաղեստինցի փախստականների ճամբարի բնակիչներին մարդասիրական օգնություն է տրամադրվել
ԵՐԵՎԱՆ, 25 ՀՈւԼԻՍԻ, ԱՐՄԵՆՊՐԵՍ: Սիրիայի կառավարության օժանդակությամբ պաղեստինցի փախստականների հարցերով զբաղվող գլխավոր միությունը և ՄԱԿ-ի Մերձավոր Արևելքում պաղեստինցի փախստականների հարցով զբաղվող գործակալությունը Դամասկոսի Յարմուք պաղեստինցիների ճամբարի բնակիչներին մարդասիրական օգնություն են տրամադրել: Ինչպես հաղորդում է «Արմենպրես»-ը` վկայակոչելով սիրիական ՍԱՆԱ գործակալությունը, օգնության 545 փաթեթների մեջ ընդգրկված են հաց, մուրաբներ, պահածոներ:
Հունվարից մինչև այժմ Յարմուք ճամբարի բնակիչներին տրամադրվել են 38 հազար 527 օգնության փաթեթներ, միևնույն ժամանակ բժշկական փաթեթների թիվը կազմել է 3 հազար 776:
Յարմուք ճամբարի երկու հիվանդներ տեղափոխվել են Դամասկոսի հիվանդանոցներ:
Ավելի վաղ՝ մայիսի 21-ին, Սիրիայում պաղեստինցի փախստականների գլխավոր միությունը Սիրիայի կառավարության աջակցությամբ 800 փաթեթ մարդասիրական օգնություն էր տրամադրել Դամասկոսի մերձակայքում գտնվող Յարմուք ճամբարի պաղեստինցի փախստականներին:
Բաժանորդագրվեք մեր ալիքին Telegram-ում