Երևանի մի շարք փողոցների խաչմերուկներում հուլիսի 28-ից գործարկվելու են նոր տեսախցիկներ
11:25, 25 Հուլիս 2014
ԵՐԵՎԱՆ, 25 ՀՈՒԼԻՍԻ, ԱՐՄԵՆՊՐԵՍ: Երևան քաղաքի մի շարք խաչմերուկներում 2014 թվականի հուլիսի 28-ից գործարկվելու են երթևեկության նկատմամբ վերահսկողության և իրավախախտումների արձանագրման նոր տեսախցիկներ: Ինչպես «Արմենպրես»-ին տեղեկացրին ՀՀ ոստիկանության հասարակայնության հետ կապերի եւ լրատվության վարչությունից, տեսախցիկները գործարկվելու են, մասնավորապես, Սայաթ-Նովա փողոց-Չարենցի փողոց, Վարդանանց փողոց-Նար-Դոսի փողոց, Հր. Քոչար փողոց-Գուլբենկյան փողոց, Արցախի փողոց-Էրեբունու փողոց, Հալաբյան փողոց-Աբելյան փողոց, Բաբաջանյան փողոց-Անդրանիկի փողոց, Աճառյան փողոց-Ծարավ Աղբյուրի փողոց, Սեբաստիա փողոց-Շահումյան փողոց, Փափազյան փողոց-Խաչատրյան փողոց, Հալաբյան փողոց-Էստոնական փողոց խաչմերուկներում:
Բաժանորդագրվեք մեր ալիքին Telegram-ում