ԵՐԵՎԱՆ, 25 ՀՈՒԼԻՍԻ, ԱՐՄԵՆՊՐԵՍ: Ֆիզիկական կուլտուրայի հայկական պետական ինստիտուտի սեղանի թենիսի կանանց թիմը կպայքարի 9-16-րդ տեղերի համար հոլանդական Ռոտերդամ քաղաքում ընթացող համաեվրոպական 2-րդ ուսանողական խաղերի մրցաշարում:

՛Ինչպես տեղեկացնում Է «Արմենպրես»-ը,  մեր թենիսիստուհիներն իրենց առաջին մրցամարտում  0:3 հաշվով զիջել են Ռուսաստանի Կազան քաղաքի, իսկ երկրորդում 1:3 հաշվով՝ գերմանական Հանովեր քաղաքի համալսարանի մարզուհիներին:

Միայն երրորդ մրցավեճում Հայաստանի թենիսիստուհիները 3:1 հաշվով հաղթանակ են տոնել Ֆրանսիայի Պուատյե քաղաքի մարզուհիների նկատմամբ, ինչը նրանց հնարավորություն Է տվել պայքարելու 9-16-րդ տեղերի համար:

Նույն մրցաշարում Հայաստանի պետական տնտեսական համալսարանի ֆուտզալիստները իրենց մեկնարկային խաղում ոչ-ոքի (3:3) խաղացին պորտուգալական Կոիմբրա քաղաքի համալսարանի ուսանողների հետ: