Նետաձգության Եվրոպայի առաջնությունում ամենահաջողակը Ֆրանսիայի եւ Գերմանիայի հավաքականներն են
20:35, 23 Հուլիս 2014
ԵՐԵՎԱՆ, 23 ՀՈՒԼԻՍԻ, ԱՐՄԵՆՊՐԵՍ: Արմավիրի մարզի Արշալույս գյուղի «Արա եւ Այծեմնիկ» մարզական ակումբում շարունակվում Է նետաձգության Եվրոպայի առաջնությունը: Մրցաշարում առայժմ ամենահաջողակը Ֆրանսիայի եւ Գերմանիայի հավաքականներն են, որոնք համոզիչ հաղթանակներ տոնեցին, մասնավորապես, Ռուսաստանի, Իսպանիայի, Բելառուսի, Լեհաստանի թիմերի նկատմամբ:
Ինչպես տեղեկացնում Է «Արմենպրես»-ը , հաջող են հանդես գալիս նաեւ Թուրքիայի նետաձիգները:
Ֆրանսիայի եւ Գերմանիայի թիմերը հաջող են մասնակցում ինչպես տղամարդկանց, այնպես Էլ կանանց մրցաշարերին: Մասնավորապես, Ֆրանսիայի կանանց թիմը 6:0 հաշվով հաղթեց Ադրբեջանի հավաքականին::
Այսօր Հայաստանը այս մրցաշարում մասնակից չուներ: Գոհար Շահնազարյանը մրցասպարեզ դուրս կգա հուլիսի 24-ին:
Բաժանորդագրվեք մեր ալիքին Telegram-ում