Հայաստանը կարող Է հավակնել նետաձգության 2017 թվականի աշխարհի առաջնությունն ընդունելուն. Մարիո Սկարցելի
ԵՐԵՎԱՆ, 23 ՀՈՒԼԻՍԻ, ԱՐՄԵՆՊՐԵՍ: Եվրոպայի նետաձգության ֆեդերացիայի` WEA-ի նախագահ Մարիո Սկարցելին արդեն երկար ժամանակ Է, ինչ գլխավորում Է այս մարզական կառույցը: Երեւանում տեղի ունեցած WEA-ի հաշվետու-ընտրական համաժողովում նա վերընտրվեց իր պաշտոնին:
«Արմենպրես»-ի թղթակիցը բացառիկ հարցազրույց վերցրեց Սկարցելիից:
- Պարոն Սկարցելի, թույլ տվեք շնորհավորել Ձեզ WEA-ի նախագահի պաշտոնին վերընտրվելու առիթով:
- Շնորհակալություն: Թույլ տվեք, որ ես էլ շնորհավորեմ Հայաստանի նետաձգության ֆեդերացիային` Եվրոպայի առաջնության լավ կազմակերպման եւ ընթացքի առիթով:
Ես արդեն այցելել եմ Հայաստան, երբ ձեր երկիրը եվրոպական Գրան պրի կարգի մրցաշար անցկացրեց եւ դա լավ փորձ Էր Հայաստանի նետաձիգների համար, քանզի մի բան Է Գրան պրի կազմակերպել, մեկ այլ բան՝ Եվրոպայի առաջնություն: Շատ հաճելի Է , որ Հայաստանը միջազգային մրցումների անցկացման առումով ակտիվություն Է ցուցաբերում: Ես կցանկանամ այս առիթով հատուկ շնորհակալություն հայտնել Հայաստանի նետաձգության ֆեդերացիայի նախագահ տիկին Նազիկ Ամիրյանին:
-Բոլոր միջազգային փորձագետները միաձայն նշում են, որ նետաձգության հեղինակությունը ամբողջ աշխարհում աճում Է:
-Դա իրոք այդպես Է, եւ այն հանգամանքը, որ Եվրոպայի առաջնությանը մասնակցելու համար Հայաստան են ժամանել 39 երկրների 300-ից ավելի մարզիկներ՝ դրա վկայությունն Է:
Սա այն մարզաձեւն Է, որի զարգացման համար բավականին լուրջ ջանքեր պետք Է գործադրել, եւ մեզ համար շատ հաճելի Է, որ այն ակտիվ զարգանում Է, այդ թվում՝ Հայաստանում: Նետաձգության միջազգային ֆեդերացիային անդամակցում են 170 երկրների ազգային ֆեդերացիաներ:
2012 թվականին Լոնդոնում կայացած օլիմպիական խաղերի նետաձգության մրցումներն այնքան մեծ հետաքրքրություն Էին առաջացրել, որ անհնար Էր այդ մրցումների տոմս գնել:
- Ձեր կարծիքով, որքանո՞վ Է սուր մրցակցությունը նետաձգությունում:
- Սա մարզաձեւ Է բոլորի համար, եւ բոլորին հավասար իրավունքներ Է ընձեռում: Բավական Է ասել, որ այսօր առաջատար թիմերից մեկը՝ Իտալիան, պարտություն Է կրել միջազգային վարկանիշային ցանկում 16-րդ տեղը զբաղեցնող Նորվեգիայի հավաքականից: Սա պերճախոս փաստ Է:
- Հայաստանի նետաձգության ֆեդերացիան ապագայում իր մոտ արդեն համաշխարհային առաջնություն ընդունելու ի՞նչ հնարավորություն ունի:
-Ես կարող եմ ասել, որ 2015 եւ 2016 թվականի նետաձգության աշխարհի առաջնությունների մայրաքաղաքները արդեն որոշված են, իսկ 2017թվականինը ՝ դեռ ոչ: Այնպես որ Հայաստանը կարող Է հավակնել նետաձգության 2017թ. աշխարհի առաջնության անցկացմանը:
Իմ կողմից ասեմ, որ ինչպես ես, այնպես Էլ նետաձգության համաշխարհային ֆեդերացիայի նախագահ Ուգուր Էրդեները շատ գոհ է Հայաստանում Եվրոպայի առաջնության կազմակերպման մակարդակից:
-Եթե հակիրճ ներկայացնեք նետաձգությունը, ապա ի՞նչ կասեք:
-Նետաձգությունը գեղեցիկ մարզաձեւ Է: Այն բոլորի` սկսած 8-ից եւ մինչեւ 80-տարեկան մարդկանց համար է: Ճիշտ Է, այն բավականին բարդ Է, եւ միջազգային մակարդակի հասնելու համար անհրաժեշտ Է օրական 8-10 ժամ մարզվել:
-Շնորհակալություն հարցազրույցի համար:
Զրուցեց Զավեն Վարդանյանը
Բաժանորդագրվեք մեր ալիքին Telegram-ում