Օլանդը հերքել Է իր ծննդյան օրը նշանակված հարսանիքի մասին լուրերը
ԵՐԵՎԱՆ, 23 ՀՈՒԼԻՍԻ, ԱՐՄԵՆՊՐԵՍ: Ֆրանսիայի նախագահ Ֆրանսուա Օլանդը հուլիսի 23-ին հերքել Է իր ընկերուհու՝ դերասանուհի Ժյուլի Գայեի հետ իբր նախատեսված հարսանիքի վերաբերյալ հաղորդագրությունները: Այդ մասին, ինչպես տեղեկացնում Է «Արմենպրես»-ը, հաղորդել Է Europe-1 ֆրանսիական ռադիոկայանը:
«Դա կլինի իմ ծննդյան օրը եւ ուրիշ ոչինչ: Կարող եք ինձ նվեր անել: Բայց չարժե նվերներ բերել այլ առիթով»,-հայտարարել Է նա ռադիոկայանի եթերում:
Ավելի վաղ Parisien թերթը հայտնել Էր, որ Օլանդը պատրաստվում Է Ժյուլի Գայեի հետ հարաբերությունները պաշտոնապես օրինականացնել օգոստոսին՝ արձակուրդի ժամանակ: Հինգերորդ հանրապետության ղեկավարի արձակուրդը կսկսվի օգոստոսի 5-ին եւ կտեւի ընդամենը տասն օր: «Արդեն երեք ամիս խոսակցություններ են ծավալվում, որ նա (Օլանդը) Ժյուլի Գայեի հետ ամուսնություն կկնքի օգոստոսի 12-ին»,-հրատարակությանն ասել Էր Սոցիալիստական կուսակցությունից իրազեկ մի աղբյուր: Օգոստոսի 12-ին Օլանդը նշելու Է իր 60-ամյակը:
Հունվարի կեսին Closer տաբլոիդը հրապարակել Էր նյութ՝ լուսանկարներով, որոնք Ֆրանսիայի նախագահի եւ դերասանուհի Ժյուլի Գայեի սիրային կապի ապացույցն Էին դարձել: Այդ հարաբերությունների փաստը նախագահը չի ժխտել, հայտարարելով միայն, որ քաղաքացիական կնոջ՝ ֆրանսիացի լրագրողուհի Վալերի Թրիերվեյլերի հետ իրենք կյանքի ծանր փուլ են անցնում: Ավելի ուշ Օլանդը հայտարարել Է, որ վերջ Է դրել Թրիերվեյլերի հետ իր հարաբերություններին, հաղորդել Է «Ինտերֆաքս»-ը:
Բաժանորդագրվեք մեր ալիքին Telegram-ում