Հայաստանի 3 թեթեւաթլետներ ԱՄՆ-ում կմասնակցեն աշխարհի երիտասարդական առաջնությանը
19:56, 22 Հուլիս 2014
ԵՐԵՎԱՆ, 22 ՀՈՒԼԻՍԻ, ԱՐՄԵՆՊՐԵՍ: Հայաստանի 3 մարզիկներ ԱՄՆ-ի Օրեգոն նահանգի Յուջին քաղաքում կմասնակցեն աթլետիկայի աշխարհի երիտասարդական առաջնությանը: Մրցաշարը մեկնարկում է հուլիսի 22-ին:
Ինչպես «Արմենպրես»-ի թղթակցին տեղեկացրին Հայաստանի աթլետիկայի ֆեդերացիայից, այս մրցաշարում հանդես կգան եռացատկորդներ Սաթենիկ Հովհաննիսյանը եւ Լեւոն Աղասյանը, ինչպես նաեւ սկավառականետորդ Սուրեն Խաչատրյանը:
Հայաստանի մարզական պատվիրակությունը ԱՄՆ-ում կգլխավորի Հայաստանի աթլետիկայի ֆեդերացիայի նախագահ, հեռացատկի Եվրոպայի գործող ռեկորդակիր /՝8,86մետր/ Ռոբերտ Էմմիյանը:
Աթլետիկայի աշխարհի երիտասարդական առաջնությունը կավարտվի հուլիսի 27-ին:
Բաժանորդագրվեք մեր ալիքին Telegram-ում