1000х90.jpg (78 KB)

Երևանում՝ 11:07,   29 Մարտ 2024

ՀՀ վարչապետը պատրաստակամություն է հայտնել հնարավորության չափով աջակցելու Լևոն Հայրապետյանին

ՀՀ վարչապետը պատրաստակամություն է հայտնել հնարավորության չափով 
աջակցելու 
Լևոն Հայրապետյանին

ԳՅՈՒՄՐԻ, 22 ՀՈՒԼԻՍԻ, ԱՐՄԵՆՊՐԵՍ: Հայաստանի վարչապետը պատրաստ է  իր հնարավորության չափով աջակցել Ռուսաստանում ձերբակալված հայ գործարար Լևոն Հայրապետյանին: Այդ մասին նա հայտարարել է Գյումրիում լրագրողների հետ ճեպազրույցի ժամանակ: «Իմ աջակցությունը կլինի բարոյական: Ես  պատրաստ եմ հնարավորության սահմաններում աջակցելու նրան: Գնահատում եմ Լևոն Հայրապետյանի  բարեգործությունները Արցախում»,- «Արմենպրես»-ի հաղորդմամբ` նշել է ՀՀ վարչապետը:

Խոսելով այն մասին, թե ինչու էր այս հարցի շուրջ իր առաջին արձագանքը կոշտ հնչել` վարչապետը ասաց, որ իր պատասխանը պայմանավորված էր նրանով, որ իրեն հարցնում էին, թե ինչ կապ ունի նա Լևոն Հայրապետյանի ձերբակալության հետ: «Եթե քաղաքացին ինչ-որ խնդիր ունի օրենքի հետ, դատարանը կորոշի»,- ասաց նա:

Հուլիսի 15-ին Ռուսաստանի Դաշնության անվտանգության դաշնային ծառայությունը ձերբակալել է հայ գործարար Լևոն Հայրապետյանին, ով մեծ ավանդ ունի Լեռնային Ղարաբաղում տնտեսության զարգացման և բանակաշինության գործում: Այնուհետև Մոսկվայի Բասմանյան դատարանը, հիմք ընդունելով ՌԴ քննչական կոմիտեի միջնորդությունը, կալանավորել է Հայրապետյանին:

Հայրապետյանը կասկածվում է հանցավոր միջոցներով ստացված եկամուտների օրինականացման և փողերի լվացման մեջ: Ըստ նախաքննության, հանցագործությունն իրականացվել է 2008-ին, «ԱՖԿ Սիստեմա»-ին «Բաշնեֆթ»-ի վաճառքի մասին գործարքի ժամանակ, որում ներգրավված է եղել նաև Հայրապետյանը: Նշվում է, որ Հայրապետյանն այդ գործարքից խոշոր չափի գումար է ստացել:

Վերոնշյալ մեղադրանքները հայ գործարարը չի ընդունում, իսկ նրա փաստաբանն արդեն բողոքարկել է կալանքի որոշումը: Դատարանը դեռևս բողոքարկման վերաբերյալ որոշում չի կայացրել:


Բաժանորդագրվեք մեր ալիքին Telegram-ում


Այս թեմայով





youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]