Արսեն Բեգլարյանը հեռացավ «Շիրակ»-ից
13:55, 22 Հուլիս 2014
ԳՅՈՒՄՐԻ, 22 ՀՈՒԼԻՍԻ, ԱՐՄԵՆՊՐԵՍ: Գյումրիի «Շիրակ»-ը երկկողմանի համաձայնությամբ խզել է պայմանագիրը դարպասապահ Արսեն Բեգլարյանի հետ: Այդ մասին «Արմենպրես»-ին տեղեկացրին «Շիրակ»-ի մամուլի ծառայությունից: Մի քանի օր անց «Շիրակ»-ը կներկայացնի նոր դարպասապահի:
Բեգլարյանի հետ պայմանագիրը ստորագրվել էր հունիսին 23-ին: Արսեն Բեգլարյանը «Շիրակ»-ի հետ մասնակցեց մի քանի ընկերական հանդիպումների և պաշտպանեց «Շիրակ»-ի դարպասը Եվրոպա լիգայի Կարագանդայի «Շախտյոր»-ի հետ առաջին հանդիպմանը:
ԶԼՄ-ներում լուրեր են շրջանառվում, որ Արսեն Բեգլարյանը տեղափոխվելու է Երևանի «Ուլիս»:
Բաժանորդագրվեք մեր ալիքին Telegram-ում