ԱԿԲԱ-ԿՐԵԴԻՏ ԱԳՐԻԿՈԼ ԲԱՆԿԸ երկարացրել է կանխիկի ընդունման տերմինալներով գործարք կատարելու հնարավորության ժամերը
ԵՐԵՎԱՆ, 18 ՀՈՒԼԻՍԻ, ԱՐՄԵՆՊՐԵՍ: ԱԿԲԱ-ԿՐԵԴԻՏ ԱԳՐԻԿՈԼ ԲԱՆԿԸ, մշտապես հետամուտ լինելով իր կողմից մատուցվող ծառայությունների որակի բարելավմանը, դեռևս 2013-ին ներդրել է կանխիկի ընդունման տերմինալներ: Ինչպես «Արմենպրես»-ին տեղեկացրին բանկից, տերմինալները հնարավորություն են ընձեռում հաճախորդներին իրականացնել ինքնասպասարկում` անհամեմատ կրճատելով գործարքներ կատարելու համար անհրաժեշտ ժամանակը:
Հաշվի առնելով հաճախորդների պահանջմունքները` ԱԿԲԱ-ԿՐԵԴԻՏ ԱԳՐԻԿՈԼ ԲԱՆԿԸ 2014 թվականի հուլիսի 16-ից երկարացրել է կանխիկի ընդունման տերմինալներով գործարք կատարելու հնարավորության ժամերը: Մասնավորապես, բանկի մասնաճյուղերի հաճախորդների սպասարկման սրահներից դուրս տեղադրված կանխիկի ընդունման տերմինալներով հանճախորդները կկարողանան գործարքներ կատարել շուրջօրյա: Վերոնշյալ՝ շուրջօրյա գործող տերմինալները գտնվում են «ՕՊԵՐԱ» (Մաշտոցի պողոտա 42 շենք), «Նոր Նորք» (Գայի պողոտա 16/46), «Երևան մոլ» (Արշակունյաց 34/3 ) մասնաճյուղերում: Բանկի հաճախորդների սպասարկման սրահներում գտնվող տերմինալները կգործեն ժամը 09:30-18:00-ն (բոլոր մասնաճյուղերի հասցեները կարող եք գտնել այստեղ), բանկի կենտրոնական գրասենյակի հաճախորդների սպասարկման սրահի տերմինալով կարելի է գործարքներ կատարել ժամը 09:30-16:30-ը:
Հաճախորդները հնարավորություն ունեն ԱԿԲԱ-ԿՐԵԴԻՏ ԱԳՐԻԿՈԼ ԲԱՆԿՈՒՄ կանխիկի ընդունման տերմինալների միջոցով կատարել կոմունալ վճարումներ (Էլեկտրոէներգիա, գազ և գազի սպասարկում, ջուր, ֆիքսված և բջջային հեռախոսակապ, ինտերնետ ծառայություններ` UCOM, Orange, Viva ceel, Beeline), ինչպես նաև վարկերի մարում՝ գրաֆիկով նախատեսված օրը և գրաֆիկով նախատեսված օրից շուտ, մուտքեր կատարել ընթացիկ և քարտային հաշիվներին, իրականացնել ավանդների համալրում: Կանխիկի ընդունման տերմինալով գործարքներ կատարելու ժամանակ բանկի կողմից չի գանձվում որևէ վճար ծառայության մատուցման համար:
Բանկի կողմից մատուցվող այլ ծառայություններին կարող եք ծանոթանալ www.acba.am կայքում:
Բաժանորդագրվեք մեր ալիքին Telegram-ում