Ֆուտբոլի ակումբները կպատժվեն, բայց չեն հեռացվի ֆուտբոլից. Պլատինի
ԵՐԵՎԱՆ, 25 ԱՊՐԻԼԻ, ԱՐՄԵՆՊՐԵՍ: Եվրոպայի ֆուտբոլի միությունների ասոցիացիայի/ ՈւԵՖԱ/ նախագահ Միշել Պլատինին հայտարարել Է, որ ՈւԵՖԱ-ի քննչական պալատի կողմից մի շարք ֆուտբոլի ակումբների նկատմամբ տարվող հետաքննության արդյունքում կկիրառվեն պատժամիջոցներ, բայց նրանք չեն հեռացվի ֆուտբոլից:
Այս մասին տեղեկացնում Է «Արմենպրես»-ը` վկայակոչելով ԻՏԱՌ-ՏԱՍՍ գործակալությունը:
ՈւԵՖԱ-ի քննչական պալատն այս թիմերի կասկածելի ֆինանսական գործունեության հետաքննությունը կավարտի մայիսի սկզբին եւ այդ ժամանակ Էլ կհրապարակի դրա արդյունքները:
«Եթե դուք ակնկալում եք արյուն եւ արդյունքներ, ապա կհիասթափվեք»,-այսպես Է Պլատինին մեկնաբանել այս նորությունը:
ՈւԵՖԱ-ի քննչական պալատի ուշադրության կենտրոնում հայտնվել են Ռուսաստանի «Զենիթ», Ֆրանսիայի «Պարի Սեն Ժերմեն» եւ Անգլիայի «Մանչեստր Սիթի» ակումբները:
Բաժանորդագրվեք մեր ալիքին Telegram-ում