Ռոստովի մարզի Օրենսդրական ժողովի պատգամավորները հարգել են Հայոց ցեղասպանության զոհերի հիշատակը
ԵՐԵՎԱՆ, 24 ԱՊՐԻԼԻ, ԱՐՄԵՆՊՐԵՍ: Ռուսաստանի Դաշնության Ռոստովի մարզի Օրենսդիր ժողովի պատգամավորները ապրիլի 24-ին, Օրենսդրական ժողովի ղեկավար Վիկտոր Դերյաբկինի առաջարկով մեկ րոպե լռությամբ հարգել են Հայոց ցեղասպանության զոհերի հիշատակը: «Արմենպրես»-ի հաղորդմամբ՝ իր խոսքում Վիկտոր Դերյաբկինն ընդգծել է, որ Ռուսաստանը դատապարտում է մարդկության դեմ հանցագործությունները՝ նշելով, որ այդ տարիներին հայ ժողովուրդն անդառնալի կորուստներ է ունեցել:
Ռոստովի Օրենսդրական ժողովում ներկայացված է տեղի հայ համայնքի 5 ներկայացուցիչ: Ռոստովի հայ համայնքի ղեկավար, Օրենսդրական ժողովի պատգամավոր Հարություն Սուրմալյանի նախաձեռնությունը՝ մեկ րոպե լռությամբ հարգել Հայոց ցեղասպանության զոհերի հիշատակը, արժանացել է բոլոր պատգամավորների հավանությանը:
Բաժանորդագրվեք մեր ալիքին Telegram-ում