«Սպարտակ»-ի ֆուտբոլիստներ Կոմբարով եղբայրները հարգել են Հայոց ցեղասպանության զոհերի հիշատակը
18:40, 24 Ապրիլ 2014
ԵՐԵՎԱՆ, 24 ԱՊՐԻԼԻ, ԱՐՄԵՆՊՐԵՍ: Մոսկվայի «Սպարտակ»-ի կիսապաշտպաններ Կիրիլ և Դմիտրի Կոմբարովներն անդրադարձել են Հայոց ցեղասպանությանն`իրենց թվիթերյան պաշտոնական էջում հրապարակելով լուսանկարներ, որոնցում կրում են մարզաշապիկներ՝ նվիրված Հայոց ցեղասպանությանը: «Արմենպրես»-ի հաղորդմամբ` մարզաշապիկների վրա գրված է. «Ժխտողականության 99 տարիները մեզ չեն կոտրել»:
Հիշեցնենք, որ վերը նշված գրությամբ մարզաշապիկների լուսանկարներն ավելի վաղ հասանելի էին «Սպարտակ»-ի և Հայաստանի ազգային հավաքականի հարձակվող Յուրա Մովսիսյանի ֆեյսբուքյան էջում: Հայաստանի ազգային հավաքականի հարձակվողը կոչ էր արել աջակցել Հայոց ցեղասպանության միջազգային ճանաչմանը՝ ստանալով Հայոց ցեղասպանության զոհերի հիշատակը խորհրդանշող հեշթեգով մարզաշապիկները:
Բաժանորդագրվեք մեր ալիքին Telegram-ում