Հայկական թենիսի միջազգային հեղինակության աճի համար որոշ ժամանակ Է անհրաժեշտ. Կարամանուկյան
ԵՐԵՎԱՆ, 24 ԱՊՐԻԼԻ, ԱՐՄԵՆՊՐԵՍ: Մայիսի 5-ին Հունգարիայի Սեգեդ քաղաքում կմեկնարկի Դեւիսի գավաթի՝ տղամարդկանց թենիսի աշխարհի ոչ պաշտոնական թիմային առաջնության եվրոպական 3-րդ խմբի մրցաշարը, որին կմասնակցի նաեւ Հայաստանի թիմը:
Այս առիթով «Արմենպրես»-ի թղթակիցը զրուցեց Հայաստանի ֆեդերացիայի գլխավոր քարտուղար եւ գործադիր տնօրեն Գեւորգ Կարամանուկյանի հետ:
- Պարոն Կարամանուկյան, մեր թիմի ելույթից ինչ-որ առանձնակի սպասելիքներ կա՞ն:
-Ճիշտն ասած, առայժմ բարդ Է նման սպասելիքներից խոսելը: Մեր թենիսի միջազգային հեղինակության աճի համար որոշ ժամանակ Է անհրաժեշտ: Բայց որ մեր թիմը քիչ թե շատ ի վիճակի Է լավ ելույթ ունենալ, դա իսկապես ակնկալելի Է: Նշեմ նաեւ, որ եթե թիմի 3 անդամի՝ Միքայել Ավետիսյանի, Սեդրակ Խաչատրյանի, Աշոտ Գեւորգյանի մասնակցության հարցը պարզ Է, ապա Խաչիկ Խաչատրյանի դեպքում այն դեռ ստույգ չԷ:
-Դուք ասում եք, որ Հայաստանի թենիսի միջազգային հեղինակության աճի համար ժամանակ Է անհրաժեշտ: Իսկ ին՞չ Է դրա համար անում թենիսի ազգային ֆեդերացիան:
- Հայաստանի թենիսի ֆեդերացիան մշակել եւ իրականացնում Է կոնկրետ ծրագիր: Դրա հիմնաքարը կազմում են հետեւյալ կետերը.
1.Շեշտը դրվում Է մանկապատանեկան թենիսի զարգացման վրա,
2.Հայաստանի թենիսի ֆեդերացիան ակտիվորեն համագործակցում Է երկրի թենիսի բոլոր ակումբների հետ` համատեղ միջոցառումներ ձեռնարկելով,
3.Թենիսի ազգային ֆեդերացիան ապահովում Է թենիսի մասայականությունը` ընդունակ մարզիկների փնտրելով նաեւ հանրակրթական դպրոցներում,
4.Հայաստանի թենիսի ֆեդերացիան ապահովում Է մեր թենիսիստների մասնակցությունը միջազգային մրցումներին, նախ եւ առաջ՝ Հայաստանում,ապահովելով նրանց պրոֆեսիոնալ աճը,
5.Թենիսի ազգային ֆեդերացիան համագործակցում Է թենիսի միջազգային եւ եվրոպական ֆեդերացիաների հետ,
6.Հայաստանի թենիսի ֆեդերացիան ապահովում Է երկրի թենիսի մարզիչների եւ մրցավարների վերաորակավորումը եւ պրոֆեսիոնալ կրթությունը:
Սա մեր աշխատանքային ծրագրի միայն հիմնական թեզերն են:
-Իսկ ի՞նչ կոնկրետ արդյունքներ են դրանք տվել:
-Բերեմ մեկ օրինակ: Հունիսի 19-ից մինչեւ սեպտեմբերի 1-ը
Երեւանում կանցկացվեն 14-18 տարեկան թենիսիստների 7 միջազգային մրցաշարեր: Կարծում եմ, որ նման ինտենսիվությունը հայկական սպորտում բացառիկ երեւույթ Է: Կտրուկ աճել Է միջազգային, եվրոպական կարգի մրցումները, որոնց մասնակիցների թիվը: Ի դեպ, հայաստանյան մրցումներին մասնակցում են շատ ավելի մարզիկներ, քան հարեւան Վրաստանում: Իսկ որոշ ժամանակ առաջ պատկերը հակառակն Էր:
-Թենիսը թանկ մարզաձեւ Է, եւ որքանո՞վ Է հաջողվում այն զարգացնել մարզերում:
- Մենք սկսել ենք Շիրակի մարզից: Գյումրիում արդեն գործում են թենիսի խմբեր, եւ տեղի թենիսիստներն արդեն կարող են մարզվել իրենց քաղաքում` չժամանելով Երեւանում: Այս գործընթացը շարունակվելու Է:
-Ինչպիս՞ին են հայկական թենիսի հեռանկարները:
-Այս հարցին սպառիչ պատասխան կտա Հայաստանի թենիսի ֆեդերացիայի կոնֆերանսը: Այն նախատեսվում Է անցկացնել մայիսին:
Բաժանորդագրվեք մեր ալիքին Telegram-ում