ԵՐԵՎԱՆ, 24 ԱՊՐԻԼԻ, ԱՐՄԵՆՊՐԵՍ: Դորտմունդի «Բորուսիա»-ի և Մյունխենի «Բավարիա»-ի փոխհարաբերությունները գնալով ավելի են լարվում:

«Մյունխենի «Բավարիա»-ն հետաքրքրված չէ բանակցություններով և այսուհետ ոչ մի հանդիպում չի լինելու ճաշի սեղանի շուրջ: Դա նշանակում է, որ խաղերից առաջ նախատեսված ընթրիքներ չեն լինելու «Բորուսիա»-ի ղեկավարության հետ»,-«Արմենպրես»-ի հաղորդմամբ, Մյունխենի «Բավարիա»-ի կառավարման խորհրդի անդամ Կառլ-Հայնց Ռումենիգեի խոսքն է մեջբերում Goal կայքը:

Բունդեսլիգայի հերթական տուրից առաջ, երբ «Բորուսիա»-ն պետք է հյուրընկալվեր «Բավարիա»-ին, դորտմունդյան ակումբի ղեկավարությունը հրաժարվել էր «Բավարիա»-ի հյուրընկալությունից: Գերմանիայի գավաթի խաղարկության եզրափակիչում «Բորուսիա»-ն կխաղա «Բավարիա»-ի հետ: Հանդիպումը կկայանա մայիսի 17-ին: