ԵՐԵՎԱՆ, 23 ԱՊՐԻԼԻ, ԱՐՄԵՆՊՐԵՍ: Երեւանի սպորտի պետական քոլեջի սրահում որոշվել են ծանրամարտի Հայաստանի երիտասարդական առաջնության չեմպիոնները:   

Ինչպես տեղեկացնում Է «Արմենպրես»-ը, 56կգ քաշային կարգում լավագույնն Է դարձել Դավիթ Դավոյանը` ցույց տալով 220կգ արդյունք երկամարտում:  

62 կգ քաշայինների մրցապայքարում երկամարտի 255կգ արդյունքով չեմպիոնի կոչումը նվաճեց Գեւորգ Բաղդասարյանը:  

69 կգ քաշային կարգում Եվրոպայի չեմպիոն Վարդան Միլիտոսյանը դարձավ Հայաստանի չեմպիոն միայն լրացուցիչ չափանիշով: Նա ցույց տվեց 285կգ արդյունք  եւ իր մրցակցին շրջանցեց միայն ավելի թեթեւ անձնական քաշ ունենալու շնորհիվ:

77կգ քաշային կարգում հաղթեց Ռազմիկ Օլթեցյանը` երկամարտի 300կգ արդյունքով:  

85կգ քաշային կարգում հաղթեց Կարեն Պեպանյանը` երկամարտում բարձացնելով 287կգ:  

Առաջնության արդյունքներով, Հայաստանի ծանրամարտի երիտասարդական հավաքականի գլխավոր մարզիչ Մելիք Ղուկասյանը կձեւավորի մեր թիմի կազմը, որը կմասնակցի հունիսի 24-28-ը Ռուսաստանի Դաշնության Կազան քաղաքում կայանալիք ծանրամարտի աշխարհի երիտասարդական առաջնությանը: