Նարեկ Սարգսյանը նշանակվել է ՀՀ քաղաքաշինության նախարար
ԵՐԵՎԱՆ, 23 ԱՊՐԻԼԻ, ԱՐՄԵՆՊՐԵՍ: ՀՀ Նախագահ Սերժ Սարգսյանի այսօրվա հրամանագրով Նարեկ Սարգսյանը նշանակվել է ՀՀ քաղաքաշինության նախարար:
Ինչպես «Արմենպրես»-ին տեղեկացրին ՀՀ Նախագահի աշխատակազմի հասարակայնության և տեղեկատվության միջոցների հետ կապերի վարչությունից, ՀՀ նախագահը հրամանագիրն ստորագրել է` ղեկավարվելով Հայաստանի Հանրապետության Սահմանադրության 55-րդ հոդվածի 4-րդ կետով:
ՍԱՐԳՍՅԱՆ ՆԱՐԵԿ ԱԼԲԵՐՏԻ
|
|
Ծնվել է 01.01.1959թ. ՀՀ Ջերմուկ քաղաքում
|
|
1975թ. |
Ավարտել է Ջերմուկի N1 միջնակարգ դպրոցը ոսկե մեդալով, ինչպես նաև Ջերմուկի երաժշտական դպրոցը – 1973թ. |
1975 - 1980թթ. |
Ընդունվել և գերազանցության դիպլոմով ավարտել է Երևանի Պոլիտեխնիկական ինստիտուտի ճարտարապետաշինարարական ֆակուլտետը /ԵրՊԻ/ "ճարտարապետություն" մասնագիտությամբ /Ուսանողական տարիներին համատեղությամբ աշխատանք ԵրՊԻ Գիտահետազոտական բաժանմունքում /ОНИР/ 1976-1979թթ./ |
1980 - 1983թթ. |
ԵրՊԻ Արդյունաբերական և քաղաքացիական շենքերի /ԱՔՇ/ ճարտարապետության ամբիոնի դասախոս |
1983 - 1986թթ. |
Մոսկվայի Բնակելի շենքերի կենտրոնական գիտանախագծային ինստիտուտի ստացիոնար ուսուցման ասպիրանտ /ЦНИИЭП жилища/ |
1987 - 1993թթ. |
ԵրՊԻ ճարտարապետության ամբիոնի դասախոս, 1989 - ից` դոցենտի պաշտոնակատար |
1991 - 1993թթ. |
ԵրՃՇԻ ճարտարապետության ֆակուլտետի դեկանի տեղակալ գիտանախագծային հարցերով |
1992 - 1993թթ. |
Վերապատրաստման կուրսեր "Հակասեյսմիկ ճարտարապետություն" մասնագիտությամբ /Ֆրանսիա, Մարսել/ |
1993 - 1999թթ. |
ԵրՃՇԻ ճարտարապետության ֆակուլտետի դեկան |
1996 - 1998թթ. |
ՀՀ ճարտարապետների միության փոխնախագահ /հասարակական հիմունքներով/ |
1998 - 1999թթ. |
ՀՀ վարչապետի խորհրդական` քաղաքաշինության հարցերով /համատեղությամբ/ |
1999 - 2004թթ. |
Երևան քաղաքի գլխավոր ճարտարապետ, քաղաքապետի տեղակալ |
2004թ. առ այսօր |
"Նարեկ Սարգսյան" ճարտարապետական արվեստանոցի ստեղծագործական ղեկավար /միաժամանակ Երևանի Հյուսիսային պողոտայի կառուցապատման նախագծի գլխավոր ճարտարապետ - 2004 - 2008թթ./ |
2008 - 2011թթ. |
ՀՀ գլխավոր ճարտարապետ, ՀՀ քաղաքաշինության նախարարի տեղակալ |
2011 - 2013թթ. |
Երևան քաղաքի գլխավոր ճարտարապետ |
2013թ.-ից |
ՀՀ Կառավարությանն առընթեր ճարտարապետության պետական կոմիտեի նախագահ |
|
|
Կուսակցական դրությունը - Անկուսակցական
|
|
Ընտանեկան դրությունը - Ամուսնացած է, ունի երկու որդի |
Բաժանորդագրվեք մեր ալիքին Telegram-ում