Մեկնարկեց Հայոց ցեղասպանության անմեղ զոհերի հիշատակին նվիրված ավանդական ջահերով երթը դեպի Ծիծեռնակաբերդ. Ուղիղ
ԵՐԵՎԱՆ, 23 ԱՊՐԻԼԻ, ԱՐՄԵՆՊՐԵՍ: Հայոց ցեղասպանության 99-րդ տարելիցի կապակցությամբ ՀՅԴ Հայաստանի Երիտասարդական միությունը և «Նիկոլ Աղբալյան» ուսանողական միությունը ապրիլի 23-ին կազմակերպել են ջահերով ավանդական երթը, որը մեկնարկեց Ազատության հրապարկից: «Արմենպրես»-ի փոխանցմամբ` երթի մասնակիցները նաև նամակ են հանձնելու ՀՀ Նախագահին` պահանջելով ի նշանավորումն Հայոց Ցեղասպանության 100-րդ տարելիցի, համայն հայության պահաջատիրական պայքարի շարունակականության, արդարության վերականգման, Հայոց Ցեղասպանության միջազգային ճանչման ու դատապարտման և ամբողջական փոխհատուցման աննկուն պայքարի՝ հետ կանչել Հայաստանի Հանրապետության ստորագրությունը 2009 թվականի հայ-թուրքական արձանագրություններից:
Բոլոր ուսանողական, երիտասարդական կազմակերպություններին հրավիրվել են մասնակցելու այս նախաձեռնությանը։
Երթի կազմակերպիչները կոչ են անում ապրիլի 24-ի նախօրյակին ապացուցել, որ միասնական են և սեփական իրավունքներին տեր լինելու վճռական կամք ունեն:
Բաժանորդագրվեք մեր ալիքին Telegram-ում