Հրապարակվել են Ալժիրի նախագահական ընտրությունների պաշտոնական արդյունքները
ԵՐԵՎԱՆ, 23 ԱՊՐԻԼԻ, ԱՐՄԵՆՊՐԵՍ: Ալժիրի սահմանադրական խորհուրդը ապրիլի 22-ի երեկոյան հայտարարել է, որ նախագահ Աբդ ալ Ազիզ Բոթիֆլիկան հաղթել է նախագահական ընտրություններում ՝ ստանալով ձայների 81.49 տոկոսը: Ինչպես հաղորդում է «Արմենպրես»-ը` վկայակոչելով արաբական լրատվամիջոցները, խորհրդի նախագահ Մուրադ Մադլիսին նշել է, որ ընտրությունների մասնակիցների թիվը կազմել է 50.70 տոկոս: Նախագահ Բոթիֆլիկայի մրցակից Ալի բն Ֆալիսը ստացել է ձայների 12.30 տոկոսը:
Սա նախագահ Աբդ ալ Ազիզ Բոթիֆլիկայի նախագահության 4-րդ մանդատն է:
Ալժիրում նախագահական ընտրությունները կայացել էին ապրիլի 17-ին: Ավելի վաղ տեղեկություններ էին հաղորդվել, որ ընտրությունների ժամանակ Ալի բն Ֆալիսի կողմնակիցները ընտրատեղամասերում քվեաթերթիկներով լի քվեատուփեր են այրել:
Բաժանորդագրվեք մեր ալիքին Telegram-ում