ԱՄՆ կոնգրեսականները Ծիծեռնակաբերդում հարգանքի տուրք կմատուցեն Ցեղասպանության զոհերի հիշատակին
13:42, 23 Ապրիլ 2014
ԵՐԵՎԱՆ, 23 ԱՊՐԻԼԻ, ԱՐՄԵՆՊՐԵՍ: ԱՄՆ կոնգրեսականներ Էդ Րոյսը (Կալիֆորնիա), Էլիոտ Էնգելը (Նյու Յորք), Դեյվիդ Սիսիլին (Ռոուդ Այլենդ) և Լոիս Ֆրենկելը (Ֆլորիդա) ապրիլի 24-ին Ծիծեռնակաբերդում կմասնակցեն ծառատունկի, ինչից հետո ծաղիկներ կդնեն եղեռնի զոհերի հուշարձանի առջև: Այս մասին «Արմենպրես»-ին տեղեկացրին Հայաստանում ԱՄՆ դեսպանատնից: Իսկ ապրիլի 25-ին պատվիրակությունը շրջայց կկատարի Հայկական Ազգային ինժեներական լաբորատորիայում:
Բոլոր կոնգրեսականները ԱՄՆ-ի Ներկայացուցիչների պալատի արտաքին հարաբերությունների հանձնաժողովի անդամներ են: Կոնգրեսական Րոյսը հանձնաժողովի նախագահն է, իսկ Էլիոտ Էնգելը հանձնաժողովի ավագ անդամը:
Բաժանորդագրվեք մեր ալիքին Telegram-ում