Երևանի Սարալանջի փողոցում «Մերսեդես» մակնիշի ավտոմեքենա է այրվել
10:22, 23 Ապրիլ 2014
ԵՐԵՎԱՆ, 23 ԱՊՐԻԼԻ, ԱՐՄԵՆՊՐԵՍ: ՀՀ ԱԻՆ-ում ապրիլի 23-ին` ժամը 01.01-ին, ահազանգ է ստացվել, որ Երևանի Սարալանջի փողոցում՝ «50-ամյակի» հուշարձանի մոտակայքում, այրվում է «Մերսեդես» մակնիշի ավտոմեքենա: Դեպքի վայր է մեկնել մեկ մարտական հաշվարկ: Ինչպես «Արմենպրես»-ին տեղեկացրին ՀՀ արտակարգ իրավիճակների նախարարությունից, հրդեհը մեկուսացվել է ժամը 01.18-ին, մարվել՝ 01.25-ին: Ամբողջությամբ այրվել է «Մերսեդես» մակնիշի 26 ՕՕ 001 պետհամարանիշով ավտոմեքենայի սրահը և շարժիչի հատվածը:
Բաժանորդագրվեք մեր ալիքին Telegram-ում