Օդի ջերմաստիճանն աստիճանաբար կբարձրանա 4-5 աստիճանով
ԵՐԵՎԱՆ, 22 ԱՊՐԻԼԻ, ԱՐՄԵՆՊՐԵՍ: Հանրապետության տարածքում ապրիլի 23-24-ին սպասվում է առանց տեղումների եղանակ, ապրիլի 25-26-ին շրջանների զգալի մասում, 27-ին` առավելապես հյուսիսային շրջաններում, ժամանակ առ ժամանակ սպասվում է կարճատև անձրև և ամպրոպ, ապրիլի 25-26-ին առանձին շրջաններում հնարավոր է կարկուտ: Ինչպես «Արմենպրես»-ին տեղեկացրին ՀՀ արտակարգ իրավիճակների նախարարության Հիդրոմետ ծառայությունից, օդի ջերմաստիճանն ապրիլի 23-24-ին կբարձրանա 4-5 աստիճանով, 25-26-ին նույնքան կնվազի: Քամին հարավային 2-7մ/վրկ արագությամբ, ամպրոպի ժամանակ սպասվում է քամու ուժգնացում մինչև 15-20մ/վրկ արագությամբ:
Երևանում ապրիլի 23-24-ին, 27-ին սպասվում է առանց տեղումների եղանակ, 25-26-ին ժամանակ առ ժամանակ սպասվում է կարճատև անձրև և ամպրոպ: Ապրիլի 23-ի ցերեկային ժամերին մայրաքաղաքում +25 աստիճան, ապրիլի 24-ին` + 27, ապրիլի 25-ին` +24, ապրիլի 26-ին` + 23, ապրիլի 25-ին` +25 աստիճան:
Բաժանորդագրվեք մեր ալիքին Telegram-ում