Սուրբ Հարության տոնը Հառիճավանք էր բերել բազմաթիվ ուխտավորների
ԳՅՈՒՄՐԻ, 20 ԱՊՐԻԼԻ, ԱՐՄԵՆՊՐԵՍ: Հիսուս Քրիստոսի հրաշազարդ Սուրբ Հարության տոնը ապրիլի 20-ին Հառիճավանք էր բերել հարյուրավոր ուխտավորների: «Արմենպրես»-ի հաղորդմամբ` շատերը եկել էին ընտանիքներով, մյոսները` աշխատանքային կոլեկտիվներով: Հայ առաքելական եկեղեցու հետևորդներին 7-րդ դարի հոգևոր կենտրոնում համախմբել էր Զատկական տոնին Տիրոջը բարեբանելու ու Հիսուսի հարությունն ավետելու ցանկությունը: Դարավոր ավանդույթներ ունեցող վանքում սուրբ տոնին նվիրված պատարգ մատուցվեց Տ. Նշան աբեղա Հմայակյանի ձեռամբ: Պատարագին մասնակցում էին Հառիճավանքի Թրբանճյան ընծայարանի բոլոր լսարանների սաները:
Հարության տոնը, ինչպես հայաստանյան բոլոր եկեղեցիներում, Հառիճավանքում ևս սկսվել էր շաբաթ երեկոյան՝ Ճրագալույցի պատարագով, իսկ Զատկական պատարագին այն վերածվեց համընդհանուր տոնախմբության: Պատարագին Տ. Նշան աբեղայի կողմից հնչեցրած` «Քրիստոս հարյավ ի մեռելոց» ավետիսին ժողովուրդը պատասխանեց՝ «Օրհնյալ է հարությունը Քրիստոսի»:
Պատարագին հնչեց նաև Ն.Ս.Օ.Տ.Տ. Գերգին Բ Ամենայն Հայոց կաթողիկոսի պատգամը՝ տեր Հիսուս Քրիստոսի Սուրբ Հարության տոնի առթիվ:
Բաժանորդագրվեք մեր ալիքին Telegram-ում