Ամերիկացի կոնգրեսականները հանդիպել են Ալիեւի հետ
ԵՐԵՎԱՆ, 19 ԱՊՐԻԼԻ, ԱՐՄԵՆՊՐԵՍ: ԱՄՆ Կոնգրեսի Ներկայացուցիչների պալատի արտաքին հարաբերությունների հանձնաժողովի նախագահ Էդ Ռոյսն ու նրա գլխավորած պատվիրակությունը, որը երեկ ժամանել է Բաքու, հանդիպել է Ադրբեջանի նախագահ Իլհամ Ալիեւի հետ:
Ինչպես հաղորդում է «Արմենպրես»-ը` վկայակոչելով Ալիեւի պաշտոնական կայքը, հանդիպման ընթացքում կողմերը գոհունակություն են հայտնել Ադրբեջանի եւ ԱՄՆ-ի միջեւ երկկողմանի հարաբերությունների «բարձր մակարդակով»: Ալիեւը նշել է, որ Ադրբեջանը մեծ նշանակություն է տալիս երկու երկրների օրենսդիր մարմինների միջեւ համագործակցության ընլայնմանը:
Անդրադառնալով Լեռնային Ղարաբաղի հակամարտությանը, Ադրբեջանի նախագահը կարեւորել է հակամարտությունը միջազգային նորմերին համապատասխան խաղաղ ճանապարհով կարգավորումը:
Բաժանորդագրվեք մեր ալիքին Telegram-ում