ԱՄՆ Պետքարտուղարի օգնականի տեղակալը այցելել է Ադրբեջան
ԵՐԵՎԱՆ, 19 ԱՊՐԻԼԻ, ԱՐՄԵՆՊՐԵՍ: ԱՄՆ-ի պետքարտուղարի Էներգետիկ ռեսուրսների բյուրոյի ծրագրերի իրականացման գծով օգնականի տեղակալ Ջուլիա Նեշեվատն այցելել է Ադրբեջան: Այցի նպատակը` վերականգնվող էներգառեսուրսների ոլորտում գործունեության քննարկումն ու համագործակցության համար ներուժի որոշումն է:
Ինչպես հաղորդում է «Արմենպրես»-ը` վկայակոչելով APA լրատվական գործակալությունը, Ադրբեջանում ԱՄՆ դեսպան Ռիչարդ Մորնինգսթարը եւ Ջուլիա Նեշեվետը համդիպումներ են անցկացրել Այլընտրանքային եւ վերականգնվող էներգիայի աղբյուրների պետական գործակալութունում: Այնուհետեւ Ջուլիա Նեշեվետն այցելել է Բաքվի Բալախանը ավանում գտնվող օգտակար թափոնների վերամշակման գործարան: «Մենք ցանկանում ենք այս ոլորտում Ադրբեջանի հետ սերտ գործընկերային հարաբերություններ ստեղծել», -նշել է նա:
Բաժանորդագրվեք մեր ալիքին Telegram-ում