«Գազպրոմ»-ը մտադիր չէ իջեցնել Թուրքիային վաճառվող գազի գինը
ԵՐԵՎԱՆ, 19 ԱՊՐԻԼԻ, ԱՐՄԵՆՊՐԵՍ: «Գազպրոմ» ընկերության վարչության փոխնախագահ Ալեքսանդր Մեդվեդեւի գլխավորած պատվիրակությունը մտադիր չէ Թուրքիայի ներկայացուցիչների հետ բանակցությունների ժամանակ քննարկել թուրքական կողմին վաճառվող գազի գինն իջեցնելու հարց: Բանակցությունների թեման լինելու են Ռուսաստանի եւ Թուրքիայի միջեւ գազային ոլորտում համագործակցության գլոբալ հարցերը: Միեւնույն ժամանակ, չի բացառվում, որ կողմերը կքննարկեն Թուրքիայում «Հարավային հոսք» նախագծի իրագործման հեռանկարները: Այս մասին, ինչպես հաղորդում է «Արմենպրես»-ը, հայտնում է ԻՏԱՌ-ՏԱՍՍ լրատվական գործակալությունը:
Թուրքիայի էկոնոմիկայի եւ բնական պաշարների նախարար Թաներ Յըլդըզը ապրիլի 18-ին լրագրողներին հայտարարել էր, որ մտադիր է «Գազպրոմ»-ի ներկայացուցիչների հետ Անկարայում երկուշաբթի անցկացվելիք բանակցություններում քննարկել Թուրքիային վաճառվող ռուսաստանյան գազի գինն իջեցնելու մասին հարցեր: Թուրք նախարարի խոսքով` «Գազպրոմ»-ի հետ ստորագրված համաձայնագիրը «կապույտ վառելիքի» գինը վերանայելու հարցման իրավունք է վերապահում:
Ռուսաստանը Թուրքիա գազի խոշորագույն մատակարարն է: Բացի այդ, Թուրքիանն Գերմանիայի Դաշնային Հանրապետությունից հետո զբաղեցնում է երկրորդ տեղը` «Գազպրոմ»-ից վառելիքի գնման ծավալներով:
Բաժանորդագրվեք մեր ալիքին Telegram-ում