Արցախի Նախագահն ընդունել է ՁԻՀ-ի եւ «Թեքնոլոջի անդ Սայնս Դայնամիքս»-ի ղեկավարներին
14:25, 19 Ապրիլ 2014
ՍՏԵՓԱՆԱԿԵՐՏ, 19 ԱՊՐԻԼԻ, ԱՐՄԵՆՊՐԵՍ: Արցախի Հանրապետության Նախագահ Բակո Սահակյանն ապրիլի 19-ին ընդունել է «Ձեռնարկությունների ինկուբատոր» հիմնադրամի տնօրեն Բագրատ Ենգիբարյանին եւ «Թեքնոլոջի անդ Սայնս Դայնամիքս» ընկերության նախագահ Վահան Շաքարյանին:
Ինչպես «Արմենպրես»-ին տեղեկացրին Արցախի Հանրապետության Նախագահի աշխատակազմի տեղեկատվության գլխավոր վարչությունից, հանդիպմանը քննարկվել են Արցախում տեղեկատվական տեխնոլոգիաների ոլորտի զարգացմանը եւ այստեղ մի շարք ծրագրերի իրականացմանն առնչվող հարցեր: Երկուստեք նշվել է, որ բնագավառը հեռանկարային է եւ ունի առաջընթացի մեծ ներուժ:
Բաժանորդագրվեք մեր ալիքին Telegram-ում