Ժխտողականության 99 տարիները մեզ չեն կոտրել. Յուրա Մովսիսյան
13:01, 19 Ապրիլ 2014
ԵՐԵՎԱՆ, 19 ԱՊՐԻԼԻ, ԱՐՄԵՆՊՐԵՍ: Հայաստանի ֆուտբոլի ազգային հավաքականի հարձակվող Յուրա Մովսիսիյանի պաշտոնական կայքէջում արդեն հասանելի է Հայոց ցեղասպանության 99-ամյա տարելիցը խորհրդանշող հեշթեգով մարզաշապիկով նկարը: Այս մասին ֆուտբոլիստը տեղեկացրել է իր ֆեյսբուքյան էջում:
«Արմենպրես»-ի հաղորդմամբ` մարզաշապիկի վրա կտարված է հետևյալ գրառումը. «Ժխտողականության 99 տարիները մեզ չեն կոտրել»:
Ֆուտբոլիստը կոչ է արել աջակցել Հայոց ցեղասպանության ճանաչմանը, ինչի արդյունքում հնարավոր կլինի ստանալ Հայոց ցեղասպանության 99-ամյա տարելիցը խորհրդանշող հեշթեգով մարզաշապիկը: «Հայոց ցեղասպանությունը տեղի է ունեցել 1915թ., և սա Հայոց ցեղասպանության մասին իրազեկալու մատչելի ճանապարհ է»,- գրել է ֆուտբոլիստը:
Բաժանորդագրվեք մեր ալիքին Telegram-ում