Հուշարձանների պահպանության միջազգային օրը մաքրվել են երևանյան արձանները
ԵՐԵՎԱՆ, 18 ԱՊՐԻԼԻ, ԱՐՄԵՆՊՐԵՍ: Հուշարձանների պաշտպանության միջազգային օրվա` ապրիլի 18-ի առթիվ պատմամշակութային հարուստ ժառանգություն ունեցող Երևանում կազմակերպվել են մի շարք միջոցառումներ: Ինչպես «Արմենպրես»-ին տեղեկացրին Երևանի քաղաքապետարանի տեղեկատվության և հասարակայնության հետ կապերի վարչությունից, կարևորելով հուշարձանների պահպանության հարցում դրանց մշտական մաքրության ապահովումը՝ Երևանի քաղաքապետարանի նախաձեռնությամբ, մայրաքաղաքի բոլոր վարչական շրջաններում կազմակերպվել են արձանների լվացման և մաքրման աշխատանքներ: Ըստ անհրաժեշտության, աշխատանքներին ներգրավվել է համապատասխան տեխնիկա:
ՅՈՒՆԵՍԿՕ-ի կողմից 1983 թվականից ի վեր համաշխարհային օրացույցում ապրիլի 18-ն առանձնացվել է որպես Հուշարձանների պաշտպանության միջազգային օր:
Բաժանորդագրվեք մեր ալիքին Telegram-ում