Հանրահայտ ֆրանսահայ սոմելյե Սերժ Ղուկասյանը Երևանում վարպետության դաս կանցկացնի
10:28, 17 Ապրիլ 2014
ԵՐԵՎԱՆ, 17 ԱՊՐԻԼԻ, ԱՐՄԵՆՊՐԵՍ: «Gault Millau» հանդեսի վարկածով 2008 թվականի Ֆրանսիայի լավագույն սոմելյե Սերժ Ղուկասյանը ապրիլի 17-ին Երևանում վարպետության դաս կվարի: Աշխարհահռչակ սոմելյեն Հայաստանում է SOMMELIER Wine Gallery-ի հատուկ հրավերով: Ինչպես «Արմենպրես»-ին տեղեկացրեց «SPRING PR» ընկերության
հանրային կապերի պատասխանատու Մարիամ Սաֆարյանը, սոմելյեն Հայաստան այցի շրջանակներում վարպետության դաս կանցկացնի գինու սիրահարների և մեդիայի ներկայացուցիչների համար:
Հանդիպման ընթացքում կներկայացվեն գինու և ուտեստների համադրման գաղտնիքները, հատուկ անդրադարձ կարվի «սև-տրյուֆել» սնկերին: Սերժ Ղուկասյանը անմիջական շփման և կարծիքների փոխանակման ջերմ մթնոլորտում կպատասխանի հյուրերի հարցերին:
Բաժանորդագրվեք մեր ալիքին Telegram-ում