Հայաստանի փաստաբանների պալատը շնորհավորել է ոստիկանների մասնագիտական տոնը
ԵՐԵՎԱՆ, 16 ԱՊՐԻԼԻ, ԱՐՄԵՆՊՐԵՍ։ ՀՀ փաստաբանների պալատը շնորհավորել է ոստիկաններին` մասնագիտական տոնի կապակցությամբ։ Ինչպես «Արմենպրես»-ին տեղեկացրին փաստաբանների պալատի լրատվական ծառայությունից, պալատի նախագահ Արա Զոհրաբյանը ոստիկաններին մաղթել է տոկունություն և քաջառողջություն։
Հայաստանի Հանրապետության փաստաբանների պալատի անունից ջերմորեն շնորհավորելով Ոստիկանության օրվա առթիվ, Զոհրաբյանը նշել է, որ մասնագիտական տոնը լրացուցիչ խթան է, որպեսզի քննարկվեն ոլորտում առկա բացթողումներն ու թերությունները, որոնք հնարավոր է լուծել միայն ինքնամաքրման եղանակով: նա նման գործելաոճը ոստիկանության համակարգում արդեն ակնառու է համարել:
«Բարեփոխման և ինքնամաքրման ճանապարհն ընտրելով` ոստիկանությունը մեծացրել է իր հանրային կշիռը: Հայաստանի Հանրապետության փաստաբանների պալատը մասնագիտական տոնի կապակցությամբ մաղթում է ոստիկաններին տոկունություն և քաջառողջություն այս դժվար ու պատասխանատու գործում»,- գրված է հաղորդագրության մեջ։
Բաժանորդագրվեք մեր ալիքին Telegram-ում