Յուրի Վարդանյանը բարձր գնահատեց Հայաստանի ծանրորդների ելույթը Եվրոպայի առաջնությունում
ԵՐԵՎԱՆ, 16 ԱՊՐԻԼԻ, ԱՐՄԵՆՊՐԵՍ: Հայաստանի սպորտի եւ երիտասարդութան հարցերի նախարարի պաշտոնակատար Յուրի Վարդանյանը բարձր գնահատեց վերջերս Իսրայելի մայրաքաղաք Թել Ավիվում ավարկված ծանրամարտի Եվրոպայի առաջնությանը մասնակցած հայաստանցի մարզիկների արդյունքները՝ 3 մեդալ եւ 8-րդ թիմային տեղ: Ապրիլի 16-ին նա ընդունեց ՀՀ ծանրամարտի ազգային հավաքականների մարզիկներին ե մարզիչներին:
Ինչպես տեղեկացնում Է «Արմենպրես»-ը, նա առանձնացրեց մրցաշարի մեդալակիրներ Վանիկ Ավետիսյանի, Ռուբեն Ալեքսանյանի եւ Սմբատ Մարգարյանի ելույթները:
Հայաստանի ծանրամարտի տղամարդկանց հավաքականի գլխավոր մարզիչ Պողոս Պողոսյանը ներկայացրեց առաջնությանը մասնակցած բոլոր մարզիկների ելույթները` համապատասխան գնահատական տալով դրանց եւ խոսելով հայկական ծանրամարտի հեռանկարների մասին: Նա նշեց,որ մեր թիմի մարզիչները մեդալների մասին նախապես չԷին խոսում, բայց ակնկալիքներ ունեին, որոնք արդարացան:
Կանանց թիմի գլխավոր մարզիչ Արտաշես Ներսիսյանը իր հերթին նշեց, որ այս անգամ մեր ծանրորդուհիների ելույթը ավելի շատ ուղղված Էր մրցումային փորձ ձեռք բերելուն: Նա հավելեց, որ կոնկրետ արդյունքների մասին խոսելը բարդ Էր:
Վարդանյանը լավագույնը մաղթեց հայ ծանրորդներին` ցանկանալով նրանց հաղթական ելույթ նոյեմբերին Ղազախստանում կայանալիք ծանրամարտի աշխարհի առաջնությունում:
Բաժանորդագրվեք մեր ալիքին Telegram-ում