Ռիգայում սուպերմարկետի փլուզման հետեւանքով զոհերի թիվը հասել է 52-ի
ԵՐԵՎԱՆ, 23 ՆՈՅԵՄԲԵՐԻ, ԱՐՄԵՆՊՐԵՍ: Ռիգայում նոյեմբերի 21-ի երեկոյան սուպերմարկետի փլուզման հետեւանքով մահացածների թիվը գերազանցում է 52-ը. նրանցից երեքը փրկարարներ են: Այս մասին տեղեկացնում է «Արմենպրես»-ը` վկայակոչելով «ՌԻԱ-Նովոստի»-ն: Տուժել է 40 մարդ, որից 29-ը հիվանդանոցում են` շատերը հոսպիտալացվել են լուրջ վնասվածքների պատճառով: Վերջին տվյալների համաձայն` 16 երեխա կորցրել է ծնողին, նրանցից երեքը` երկկողմանի:
Փրկարարները, որոնք ավերված առևտրի կենտրոնի տարածքում զբաղված էին մարդկանց փնտրելով, ժամանակավորապես դադարեցրել են աշխատանքը, քանի որ փլուզման նոր վտանգ կա: Դրանք կասեցվել են մինչև նոր որոշումների կայացումը: Փրկարարները դեռևս չեն հասցրել ուսումնասիրել շուրջ 300 քառակուսի մետր տարածք:
Աշխատանքներին միջամտել են հատուկ տեխնիկաներ: Փլուզման տակ մնացածների ճշգրիտ թիվը հայտնի չէ: Ռիգայի քաղաքապետ Նիլ Ուշակովը ենթադրում է, որ փլուզման տակ կարող է մնացած լինել եւս 30 մարդ:
Ռիգայում սուպերմարկետի փլուզման հետևանքով զոհերի թվում է նաեւ Նաիրա Գրիգորյանը:
Բաժանորդագրվեք մեր ալիքին Telegram-ում