Երեւանի կենդանաբանական այգին համալրվեց եւս մեկ թուրքմենական կուլանով
12:58, 29 Օգոստոս 2013
ԵՐԵՎԱՆ, 29 ՕԳՈՍՏՈՍԻ, ԱՐՄԵՆՊՐԵՍ: Երեւանի կենդանաբանական այգում թուրքմենական կուլան (Equus hemionus kulan) է ծնվել: Այգին արդեն չորս թուրքմենական կուլան ունի: Այս մասին «Արմենպրես»-ին տեղեկացրին կենդանաբանական այգուց: Այս տեսակը գրանցված է ԲՊՄՄ Կարմիր ցուցակում`« Endangered» կարգավիճակով: Այն համարվում է վտանգված կենդանատեսակ: Թուրքմենական կուլանը տարածված է Հարավ-արևելյան Թուրքմենիայում: Ապրում է չորանապատային և կիսաանապատային տարածքներում, ինչպես նաև բլուրների լանջերին՝ մինչև 300-600 մ բարձրություններում: Սնվում է բուսական կերերով: Հղիությունը տևում է 331-374 օր, սովորաբար ունենում է մեկ ձագ: Մայրը կաթով կերակրում է 12-24 ամիս: Կյանքի տևողությունը 15-20 տարի է:
Բաժանորդագրվեք մեր ալիքին Telegram-ում