Գերմանիան կասկածի տակ է դնում Ադրբեջանի կողմից հունական գազային DESFA ընկերությունը գնելու հեռանկարը
ԵՐԵՎԱՆ, 21 ՀՈՒՆԻՍԻ, ԱՐՄԵՆՊՐԵՍ: Գերմանական մամուլը կասկածի տակ է դնում Ադրբեջանի պետական նավթային ընկերության (SOCAR) կողմից Հունաստանի գազային DESFA ընկերության արժեթղթերի 2/3 մասը գնելու նպատակահարմարության հեռանկարը: Այս մասին, ինչպես հաղորդում է «Արմենպրես»-ը, հայտնում է գերմանական Handelsblatt թերթը:
«SOCAR-ի նախագահ Ռովնագ Աբդուլլաեւը շրջում է աշխարհով մեկ եւ իր ընկերության համար արժեթղթեր ձեռք բերում` դրանով ուժեղացնելով իր երկրի ազդեցությունը: Իսկ այժմ էլ ձեռքերը մեկնում է Եվրամիությանը: Երամիության անդամ Հունաստանը պետությանը պատկանող խոշոր գազային ընկերության սեփականաշնորհման շրջանակում ակցիաները վաճառում է Ադրբեջանին, որը ավտորիտար հեղինակություն ունի: Ադրբեջանի պետական էներգետիկական SOCAR ընկերությունը հավակնում է հունական գազային DESFA ընկերության 2/3 արժեթղթերի բաժնեմասին: Հունաստանը ծրագրում է «Գազպրոմ»-ի կողմից գնված DEPA ընկերությունների եւ DESFA-ի սեփականաշնորհումից վաստակել 1,3 մլրդ դոլար:
Հնարավոր է` առանց Ռուսաստանի մասնակցության գազատար խողովակի շինարարությունը, որով նախատեսված է գազի փոխադրումը Եվրամիության երկրներ, անհաջողությամբ պսակվի: Միեւնույն ժամանակ, Ադրբեջանում մարդու իրավունքների դրության շուրջ վեճերի պատճառով Հունաստանի հետ նշված պայմանգիրը հնարավոր է եւ չկնքվի», -գրում է թերթը:
Բաժանորդագրվեք մեր ալիքին Telegram-ում