1000х90.jpg (78 KB)

Երևանում՝ 11:07,   29 Մարտ 2024

Թուրքիայում հայկական եկեղեցիների վերակառուցմանն օժանդակում է ԱՄՆ-ը

Թուրքիայում հայկական եկեղեցիների վերակառուցմանն օժանդակում է ԱՄՆ-ը

ԵՐԵՎԱՆ, 2 ՀՈԿՏԵՄԲԵՐԻ, ԱՐՄԵՆՊՐԵՍ: Թուրքիայի մշակույթի եւ զբոսաշրջության նախարարության կողմից իրագործվող հայկական եկեղեցիների վերակառուցման աշխատանքներին ֆինանսական օգնություն է ցուցաբերում Թուրքիայում ԱՄՆ-ի դեսպանատունը: Հայկական հուշարձանների վերակառուցման աշխատանքներն իրականցվում են «հատուկ նախագծերի» շրջանակում: 2011 թ-ի գործունեության զեկույցի համաձայն` Անկարայում ԱՄՆ-ի դեսպանատունը ֆինանսավորում է Սուրբ Ամենափրկիչ եկեղեցու վերակառուցման աշխատանքները: Այս մասին, ինչպես հաղորդում է «Արմենպրես»-ը, հայտնում է թուրքական «Ենի Աքիթ» թերթը:

Նշվում է, որ «հատուկ նախագծերի» շրջանակում 2012 թ-ի հունվարին ստորագրվել է Կարսի Տիգրան Հոնենց եկեղեցու կոնսերվացման աշխատանքների իրագործման մասին փաստաթուղթը: Ֆինանսական անհրաժեշտ միջոցներ են հատկացվել Անիի Մայր Տաճարի վերանորոգման համար: Պեղումների եւ մաքրման աշխատանքներ կիրագործվեն նաեւ Աբուլհամրենթ եկեղեցում: Նշված աշխատանքներին ֆինանսական մասնակցություն է ցուցաբերում Հուշարձանների համաշխարհային հիմնադրամը (World Monuments Fund):

Թուրքիայի մշակույթի նախարարության զեկույցում անդրադարձ է արվում նաեւ Նեմրութ լեռան վրա գտնվող հայկական հեթանոսական հուշարաձանախմբի պահպանությանը:


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]