ԼՂՀ ԱԺ-ն հատուկ նիստ կհրավիրի նվիրված Արցախի նախագահի պաշտոնամուտին

ԵՐԵՎԱՆ, 5 ՍԵՊՏԵՄԲԵՐԻ, ԱՐՄԵՆՊՐԵՍ:Լեռնային Ղարաբաղի Հանրապետության Սահմանադրությամբ` սեպտեմբերի 7-ին կկայանա ԼՂՀ Ազգային ժողովի հատուկ նիստ՝ նվիրված Լեռնային Ղարաբաղի Հանրապետության Նախագահի պաշտոնամուտին։

Ինչպես«Արմենպրես»-ին տեղեկացրին ԼՂՀ ԱԺ-ից, այդ կապակցությամբ սեպտեմբերի 5-ին Արցախի խորհրդարանի նախագահ Աշոտ Ղուլյանը ստորագրել է Ազգային ժողովի որոշում՝ ԼՂՀ Ազգային ժողովի հատուկ նիստ անցկացնելու մասին։

Ազգային ժողովի հատուկ նիստը՝ նվիրված Լեռնային Ղարաբաղի Հանրապետության Նախագահի պաշտոնի ստանձնման արարողությանը, կգումարվի սեպտեմբերի 7-ին` ժամը 17.00-ին։