368.53
Կիլիկիո կաթողիկոսը նախաձեռնել է Հայոց ցեղասպանության 100-ամյակին նվիրված հարյուրհատորանոց հուշամատյանի հրատարակումը
1 րոպեի ընթերցում
ԵՐԵՎԱՆ, 5 ՍԵՊՏԵՄԲԵՐԻ, ԱՐՄԵՆՊՐԵՍ:Մեծի Տանն Կիլիկիո կաթողիկոս Արամ Առաջինի նախաձեռնությամբ իրականացվում են Հայոց ցեղասպանության 100-ամյակի առթիվ հուշամատյանների հրատարակման աշխատանքներ: Ինչպես«Արմենպրես»-ին տեղեկացրին Անթիլիասից, հուշամատյանների շարքն ընդգրկելու է ավելի քան հարյուր հատոր` Արեւմտյան Հայաստանի եւ Կիլիկյան քաղաքների մասին: Արդեն լույս է տեսել Ադանայի պատմության մասին գիրքը: Այժմ տպագրման ընթացքում են Հաճնին, Վանին, Զեյթունին նվիրված հուշամատյանները:
Կիլիկիո կաթողիկոսությունը նաեւ կոչ է անում բարերարներին դառնալ հատորների հրատարակման մեկենասներ:
Հրատարակված հուշամատյանների օրինակները կնվիրաբերվեն Հայաստանի եւ Սփյուռքի մատենադարաններին ու գրադարաններին, կրթական կառույցներին ու միություններին:
Բաժանորդագրվեք մեր ալիքին Telegram-ում