368.45
Ռուսաստանի ԱԳՆ-ն դատապարտում է ադրբեջանական եւ հունգարական իշխանությունների քայլերը
1 րոպեի ընթերցում
ԵՐԵՎԱՆ, 3 ՍԵՊՏԵՄԲԵՐԻ, ԱՐՄԵՆՊՐԵՍ: Ռուսաստանում, որպես Լեռնային Ղարաբաղի հակամարտության կարգավորման ԵԱՀԿ Մինսկի խմբի համանախագահող երկրի, խորը մտահոգությամբ ընդունեցին առանձնակի դաժանությամբ հայ սպային սպանած և Հունգարիայում 2004թ. ցմահ դատապարտված ադրբեջանցի զինծառայող Սաֆարովին Բաքվում ներում շնորհելու տեղեկությունը եւ նրան Ադրբեջանի իշխանություններին արտահանձնելու Հունգարիայի քայլը:«Արմենպրես»-ի հաղորդմամբ` այս մասին հայտարարել է Ռուսաստանի արտաքին գործերի նախարարության պաշտոնական ներկայացուցիչ Ալեքսանդր Լուկաշեւիչը:
«Կարծում ենք, որ ադրբեջանական եւ, նույնն է նաեւ, հունգարական կողմի գործությունները հակասում են ջանքերին, որոնք միջազգային մակարդակում եւ առաջին հերթին ԵԱՀԿ Մինսկի խմբի աշխատանքի շնորհիվ համաձայնեցվել են եւ ուղղվել տարածաշրջանի լարվածության թուլացմանը: Ակնկալում ենք, որ ԵԱՀԿ Մինսկի խմբի համանախագահները ստեղծված իրավիճակին համապատասխան գնահատական կտան»,-ասել է Լուկաշեւիչը:
Բաժանորդագրվեք մեր ալիքին Telegram-ում