Ամերիկացի զինծառայողները մահափորձ Էին պատրաստում ԱՄՆ-ի նախագահի դեմ

ԵՐԵՎԱՆ, 29 ՕԳՈՍՏՈՍԻ, ԱՐՄԵՆՊՐԵՍ: Չորս ամերիկացի զինծառայողներ մեղադրվում են պետական հեղաշրջման եւ երկրի նախագահ Բարաք Օբամայի սպանության նախապատրաստման մեջ: Այդ մասին, ինչպես տեղեկացնում Է «Արմենպրես»-ը, լույս օգոստոսի 29-ի գիշերը հաղորդել Է Detroit Free Press հրատարակությունը:

Դատախազության տվյալներով՝ դավադիրները գնել Էին 87 հազար դոլարի զենք եւ պայթանյութ եւ պլանավորել Էին զավթել մի շարք ռազմավարական օբյեկտներ, իսկ այնուհետեւ սպանել երկրի նախագահին:

Չարագործները, որոնք գործող եւ նախկին զնծառայողներ են, ստեղծել Էին ընդհատակյա կազմակերպություն, որը կրում Էր «Հավիտյան անմահ ենք, միշտ պատրաստ» (F.E.A.R.) անվանումը: Անցյալ տարվա դեկտեմբերին այս խումբը՝ շարքային Իսահակ Ագիգայի առաջնորդությամբ, սպանել Էր իր հանցակցին եւ նրա սիրուհուն, որոնք կարող Էին իշխանություններին հայտնել իրենց հանցավոր պլանների մասին:

Հետաքննության կարծիքով՝ պետական հեղաշրջում կատարելու դրդապատճառ Է դարձել խիստ անբարյացակամությունը գործող նախագահի նկատմամբ:

Այս պահին դավադրության մասնակիցները կալանավորված են: