368.45
Ադրբեջանի բանակում կրկին զինվոր է զոհվել
1 րոպեի ընթերցում
ԵՐԵՎԱՆ, 22 ՕԳՈՍՏՈՍԻ, ԱՐՄԵՆՊՐԵՍ: Ադրբեջանական բանակում արձանագրվել է հերթական զինվորի մահը: Ինչպես հաղորդում է «Արմենպրես»-ը' վկայակոչելով ադրբեջանական լրատվամիջոցները, 24-ամյա Մալիկ Սամիր օղլու Ադիգեզալոովն ըստ պաշտոնական աղբյուրների՝ ընկել է ժայռի վրայից և ստացած ծանր մարմնական վնասվածքների հետեւանքով զոհվել է ռազմական հոսպիտալում:
Ադիգեզալովը զինծառայությունն անցնում էր Նախիջևանի զորամասերից մեկում և բանակ էր զորակոչվել Սումգայիթից:
Ընթացիկ տարում ադրբեջանական զինված ուժերում մահվան դեպքերի թիվը հասել է մի քանի տասնյակի, որոնք, ըստ ադրբեջանական փորձագետների, տեղի են ունենում մեծ մասամբ ոչ կանոնադրական հարաբերությունների պատճառով:
Հայտնի է, որ բազմաթիվ զինվորների մահվան դեպքերը նաև կոծկվում են Ադրբեջանի պաշտպանության նախարարության կողմից՝ դրանք ներկայացնելով որպես ողբերգական միջադեպերի հետևանք:
Բաժանորդագրվեք մեր ալիքին Telegram-ում