368.53
Իսրայելի հետախուզությունն այլեւս անհնարին Է համարում Իրանի միջուկային հիմնախնդրի ոչ ուժային լուծումը
1 րոպեի ընթերցում
ԵՐՈՒՍԱՂԵՄ, 22 ՓԵՏՐՎԱՐԻ, ԱՐՄԵՆՊՐԵՍ: Իսրայելի հետախուզությունն այն կարծիքին Է, որ Իրանի միջուկային ծրագրի շուրջ ստեղծված իրադրությունը հետ շրջելու հնարավորություն այլեւս չկա եւ այժմ անհրաժեշտ Է շտապ ուժային միջոցներ ձեռնարկել, որպեսզի թույլ չտրվի Իրանի կողմից միջուկային զենքի ստեղծումը, տեղեկացնում Է «Արմենպրես»-ը:
Ինչպես հաղորդել են տեղական ԶԼՄ-ները, վկայակոչելով հետախուզության եւ ռազմական գերատեսչության աղբյուրներ, հատուկ ծառայությունները գտնում են, որ փետրվարի 22-ից տարածաշրջանում Իսրայելի դրությունը արմատապես վատացել Է:
Իրան ՄԱԳԱՏԷ-ի պատվիրակության անհաջող ուղեւորությունը, որն ավարտվել Է երեքշաբթի օրը, նաեւ այն, որ Իրանի իշխանությունները տեսուչներին թույլ չտվեցին այցելելու Փարչինի ռազմական օբյեկտ, որտեղ, ինչպես գտնում են Արեւմուտքում, միջուկային զենք Է մշակվում, ինչպես նաեւ կանխիչ հարված հասցնելու Իրանի սպառնալիքը, վկայում են այն բացահայտ վտանգի մասին, որը բխում Է իրանական ծրագրից, նշում են Իսրայելի ուժային կառույցները:
«Սկսած չորեքշաբթի օրվանից՝ խաղի կանոնները փոխվել են»,-ասել Է Իսրայելի հետախուզության աղբյուրներից մեկը:
Բաժանորդագրվեք մեր ալիքին Telegram-ում