368.45
Ռուսաստանում չեն բացառում, որ Մանասի ռազմակայանը կարող Է օգտագործվել Իրանի դեմ հնարավոր հակամարտության ընթացքում
2 րոպեի ընթերցում
ՄՈՍԿՎԱ, 22 ՓԵՏՐՎԱՐԻ, ԱՐՄԵՆՊՐԵՍ: Ռուսաստանում չեն բացառում, որ Մանասի ռազմակայանը (Ղրղզստան) կարող Է օգտագործվել Իրանի դեմ հնարավոր հակամարտության ընթացքում: Այդ մասին, ինչպես հաղորդում Է «Արմենպրես»-ը, փետրվարի 22-ին հայտարարել Է ՌԴ-ի արտգործնախարարության պաշտոնական ներկայացուցիչ Ալեքսանդր Լուկաշեւիչը:
«Չի կարելի բացառել, որ այդ օբյեկտը կարող Է օգտագործվել Իրանի դեմ հնարավոր հակամարտության ընթացքում, թեեւ դա կպահանջի փոփոխություն, իսկ ավելի շուտ՝ այդ ռազմակայանի կարգավիճակի վերաբերյալ ամերիկա-ղրղզական համաձայնագրի խախտում»,-նշել Է դիվանագետը:
Լուկաշեւիչը հավելել Է, որ լուրջ մտահոգություն Է առաջացնում «Վաշինգտոնից հնչող հայտարարությունները, որոնք թույլ են տալիս իրանական միջուկային հիմնախնդրի ուժային լուծման հնարավորությունը»:
«Դրա պատճառը ոչ միայն մարտական գործողությունների հնարավոր գոտում տվյալ տարածաշրջանի աշխարհագրական մոտիկությունն Է, այլեւ այնտեղ ԱՄՆ-ի եւ ՆԱՏՕ-ի մի ամբողջ շարք ռազմական օբյեկտների, մասնավորապես, Ղրղզստանի մայրաքաղաքի «Մանաս» օդանավակայանում տարանցիկ փոխադրումների ամերիկյան կենտրոնի առկայությունը, որը ներկայում գործի Է դրված Աֆղանստանում միջազգային կոալիցիայի կարիքների համար»,-պարզաբանել Է նա:
Բաժանորդագրվեք մեր ալիքին Telegram-ում