ԲԱՂԴԱԴ, 22 ՓԵՏՐՎԱՐԻ, ԱՐՄԵՆՊՐԵՍ: Լիբիական կառավարությունը պատրաստակամություն է հայտնել վերսկսել իր դիվանագիտական հարաբերություններն Իրաքի հետ եւ դեսպանատուն բացել մայրաքաղաք Բաղդադում:

Ինչպես հաղորդում է «Արմենպրես»-ը` վկայակոչելով արաբական arabic.rt.com -ը, Լիբիայի վարչապետի խորհրդական Նասեր ալ Մանաան փետրվարի 22-ին Իրաքի կառավարության ղեկավար Նուրի ալ Մալիքին է փոխանցել  լիբիացի գործընկեր Աբդ ալ Ռահիմ ալ Կիբայի ուղերձը: Նամակի բովանդակությունը վերաբերվում էր երկկողմ հարաբերությունների ամրապնդմանը:

Իր հերթին ալ Մալիքին հայտնել է, որ իր երկիրը պատրաստ է օգնել Լիբիային բոլոր ոլորտներում` ավելացնելով, որ լիբիացիները կարող են վերականգնել իրենց երկրի անվտանգությունը, կայունությունը եւ կառուցել դեմոկրատական պետություն:

Դիտվել է 71 անգամ