Արմեն Աշոտյանը պաշտոնական այցով կմեկնի Լիտվա

ԵՐԵՎԱՆ, 21 ՓԵՏՐՎԱՐԻ, ԱՐՄԵՆՊՐԵՍ: ՀՀ կրթության եւ գիտության նախարար Արմեն Աշոտյանի գլխավորած պատվիրակությունը փետրվարի 22-ից 24-ը կմեկնի Լիտվայի Հանրապետություն:

Ինչպես «Արմենպրես»-ին տեղեկացրին ՀՀ Կրթության եւ գիտության նախարարությունից, այցի ընթացքում նախատեսվում է քննարկումներ բարձրագույն կրթության ոլորտում հավատարմագրման, օպտիմալացման, նախնական եւ միջին մասնագիտական կրթության ոլորտում իրականացվող բարեփոխումների, նոր մասնագիտությունների ներդրման, ֆինանսավորման և այլ հարցերի շուրջ:

Այցի ընթացքում նախատեսվում են նաեւ հանդիպումներ հայ համայնքի ներկայացուցիչների հետ: