368.53
Բնակարանաշինության տեմպերը Լոռու մարզում դանդաղել են
2 րոպեի ընթերցում
ՎԱՆԱՁՈՐ, 21 ՓԵՏՐՎԱՐԻ, ԱՐՄԵՆՊՐԵՍ: Այսօր Լոռու մարզպետարանի նիստերի դահլիճում մարզպետ Արթուր Նալբանդյանի` մի շարք համայնքապետերի հետ անցկացրած խորհրդակցության թեման մարզում շարունակվող բնակարանաշինության ընթացքին էր վերաբերվում: «Արմենպրես»-ը հաղորդում է որ աշխատանքային խորհրդակցությանը մասնակցում էին նաեւ կառուցապատումն իրականացնող կազմակերպությունների, «Հայաստանի էլեկտրացանցեր» ՓԲԸ «Դեբեդ» մասնաճյուղի ներկայացուցիչները:
Արթուր Նալբանդյանը նշեց, որ «Գլենդեյլ Հիլզ» կազմակերպության կողմից իրականացվող ծրագրի հետ կապված մի շարք խնդիրներ են կուտակվել, անհանգստացնող հանգամանք է նաեւ այն, որ աշխատանքները փոքր-ինչ դանդաղել են: Պատճառները մի քանիսն են` աշխատուժի անբավարարություն, որոշ դեպքերում հոսանքի հասանելիության խնդիրներ: Մինչ այժմ պատրաստ չեն նաեւ որոշ բնակիչների փաստաթղթերը կամ դրանցում ճշտումների կարիք կա. օրինակ, Վահագնի համայնքում շահառու 25 ընտանիքներից ոչ մեկի փաստաթղթերը դեռեւս պատրաստ չեն:
Աշխատանքային խորհրդակցության ընթացքում հստակեցվեցին հետագա անելիքները, տրվեցին հետաքրքրող հարցերի պատասխաններ, համայնքապետարաններին հանձնարարվեց ավելի աչալրջորեն մոտենալ խնդիրներին, աջակցել թե՛ շինարարության ընթացքին (օրինակ` անհրաժեշտ աշխատատեղերի լրացման գործում), թե՛ շահառու ընտանիքներին, որպեսզի ոչ ոք դուրս չմնա ծրագրից:
Բաժանորդագրվեք մեր ալիքին Telegram-ում