Սինգապուրի կազինոյում խաղորդներից մեկը մահացել Է ինֆարկտից՝ շահելով խոշոր գումար

ԲԱՆԳԿՈԿ, 17 ՓԵՏՐՎԱՐԻ, ԱՐՄԵՆՊՐԵՍ: Սինգապուրի կազինոյում խաղորդներից մեկը մահացել Է ինֆարկտից՝ շահելով խոշոր գումար: Ինչպես այսօր հաղորդել են տեղական զանգվածային լրատվամիջոցները, «Ուորլդ սենթոզա» խաղատանը 56-ամյա Օնգ Սեն Կին նախ լրիվ տանուլ Է տվել պտուտախաղում: Այնուհետեւ 200 դոլար Է պարտք վերցրել ընկերներից եւ շարունակել խաղալ: Որոշ ժամանակ անց բախտը ժպտացել Է նրան. նա շահել Է 5 հազար դոլար:

Սեղանից վերցնելով շահումը՝ Կին հանկարծ ճչացել Է եւ ընկել կողքի վրա՝ հատակին թափելով «երջանիկ» խաղանիշերը: Ժամանած բժիշկներն արձանագրել են խաղորդի մահն ինֆարկտից:

Հիվանդանոցի ճանապարհին նրան վերակենդանացնելու փորձերն ապարդյուն են եղել: