Ավանում մթերային խանութ են կողոպտել

ԵՐԵՎԱՆ, 17 ՓԵՏՐՎԱՐԻ, ԱՐՄԵՆՊՐԵՍ: ՈստիկանությանԵրևան քաղաքի վարչության հերթապահ մասում փետրվարի 16-ի ժամը 04.10-ին ահազանգ է ստացվել, որ Ավանի Բրյուսովի թաղամասում գտնվող մթերային խանութի ապակիները կոտրելով՝ մտել են ներս: ՀՀ ոստիկանությունից «Արմենպրես»-ին տեղեկացրին, որ ահազանգով դեպքի վայր մեկնած ոստիկանության ծառայողները խանութից գողություն կատարելու պահին բռնել և բերման են ենթարկել 22-ամյա Գերասիմին և 31-ամյա Գնելին:Պարզվել է, որ նրանք նույն օրը, ժամը 04.00-ի սահմաններում, խանութի պատուհանը և ճաղավանդակը կոտրելով՝ գողացել են 70 հազար դրամ կանխիկ գումար և բջջային հեռախոսի լիցքավորման քարտեր:

Գողոնն առգրավված է:Երիտասարդները ձերբակալված են:Կատարվում է նախաքննություն: