ԵՐԵՎԱՆ, 14 ՓԵՏՐՎԱՐԻ, ԱՐՄԵՆՊՐԵՍ: Աշխարհում կան երկրներ, որտեղ արգելված է Սուրբ Վալենտինի օրը նշելը: Առաջին հերթին այդ երկրների շարքում առանձնանում է Սաուդյան Արաբիան, որն աշխարհում միակ երկիրն է, որտեղ այս տոնը պաշտոնապես արգելված է, ընդ որում սահմանված են նույնիսկ պատժամիջոցներ:

Ինչպես հաղորդում Է «Արմենպրես»-ը՝ վկայակոչելով  zaidal.com-ը, Սաուդյան Արաբիայի ոստիկանությունը սիրո տոնի նախօրյակին արգելել է վարդերի եւ նվերների վաճառքը:

Սաուդյան Արաբիայի իշխանությունների կարծիքով ոչ մուսուլմանական տոնի նշելը մեղք է, բացի այդ Սուրբ Վալենտինի օրը կարող է արտաամուսնական կապերի պատճառ դառնալ, իսկ նման հարաբերությունները  այնտեղ խստորեն պատժվում են:

Չնայած դրան սաուդացիներից շատերը ամեն գնով փորձում են նշել տոնը` մեկ շաբաթ առաջ պատվիրելով վարդեր: Ծաղիկները հաճախորդին են հանձնվում գիշերը: Իսկ  ավելի հեռատես քաղաքացիներ տոնը նշում են հարեւան երկրներում` Բահրեյնում կամ Արաբական Միացյալ Էմիրություններում: 

Դիտվել է 145 անգամ