Քննարկվել են ՀՀ սփյուռքի նախարարության այս տարվա ծրագրերը

ԵՐԵՎԱՆ, 30 ՀՈՒՆՎԱՐԻ, ԱՐՄԵՆՊՐԵՍ: ՀՀ սփյուռքի նախարարին առընթեր ատյանի առաջին նիստում ներկայացվեցին ՀՀ սփյուռքի նախարարության 2012 թվականի աշխատանքային ծրագրերը: Նիստը վարում էր նախարար Հրանուշ Հակոբյանը:

Ինչպես «Արմենպրես»-ին տեղեկացրին ՀՀ սփյուռքի նախարարությունից, օրակարգում ընդգրկված էին Սփյուռքի երիտասարդների` Հայաստան ճանաչողական այցելությունների «Արի տուն», «Իմ Հայաստան» համահայկական մշակութային փառատոնի 2012 թվականի ծրագրերին ու ու իրականացվելիք միջոցառումներին վերաբերող հարցերը: